سچے خواب کی کیا نشانی ہوتی ہے اور اس کی کیا علامت ہوتی ہے؟سچے خوابوں کے حوالے سے تین نشانیاں، تین علامتیں ذکر کی گئی ہیں اور یہ تین علامتیں آپﷺ نے اپنی احادیث مبارکہ میں بیان فرمائی ہیں۔

:پہلی نشانی

 پہلی نشانی یہ ہے کہ سچے لوگوں کا خواب سچا ہوتا ہے۔ آپﷺ کا ارشاد ہے لوگوں میں سب سے زیادہ سچا خواب اس کا ہوتا ہے جو سب سے زیادہ سچا ہوتا ہے۔ اس سے مراد یہ ہے کہ وہ انسان جو حق سچ کا ساتھ دیتا ہو۔ جس کی گفتگو میں سچائی ہو ۔ جو اپنے ہر معاملے میں سچائی سے کام لیتا ہو۔  جھوٹ، دھوکے اور فریب سے بچتا ہوتو ایسا انسان جو سچا ہو تو اکثر اس کے خواب سچ ہو جاتے ہیں۔

:دوسری نشانی

دوسری نشانی صبح و صادق کے وقت کا خواب سچا ہوتا ہے۔ آپﷺ کا ارشاد ہے: سب سے زیادہ سچا خواب صبح و صادق کے وقت کا ہوتا ہے۔بہت سارے لوگوں کے یہ ذہن میں سوال ہوگا  کہ صبح و صادق کا وقت کون سا وقت ہوتا ہے۔  سحری کا وقت ختم ہو جانے کے بعد صبح و صادق کا وقت شروع ہوتا ہے۔

:تیسری نشانی

تیسری نشانی قیامت کے قریب خواب سچے ہوں گے۔آپﷺ کا ارشاد ہے: آخری زمانے میں مومن کا خواب جھوٹا نہیں ہوگا۔ یعنی قیامت کا وقت جب قریب ہوگا۔ قیامت کی علامات اور اس کی نشانیاں  ظاہر اور نمودار ہو جائیں گی تو اس وقت کے جو ایمان والے ہوں گے تو ان کے خواب بھی سچے ہوں گے ۔